• Beef Wellington resepti

Reseptin məlumatları Baxış sayı: 253

Tarix : 3.09.2019, 12:00

Bölmə : Quru yeməklər, Ət yeməkləri

Mətbəx : Yoxdu

Hazırlanma vaxtı : Yox

Nəfər sayı : Yox

Şef / Mənbə : Kamila Azizbek




Tərkibi:
File - 2 kq
Göbələk - 500-700 qr
Şabalıd - 200-300 qr
Proşutto - 6-8 incə dilim (Port Bazarda tapa bildim, bir paket lazımdır)
Hazır mayasız qat-qat xəmir - 2 rulon
Kəklikotu
Sarımsaq
Duz
İstiot
Xardal
Yumurta
Qida kağızı

Hazırlanması:
Birinci mərhələ: şabalıdları doğrayırıq, 220˚С sobaya 20 dəqiqəlik qoyuruq. Hazır qaynadılmış da almaq olar, ancaq tənbəllik etməyək - bişmiş şabalıdın dadı və teksturasını heç nə əvəz etməz! Onlar bişənə qədər göbələkləri yuyuruq - məndə ağ göbələklər idi. Blenderdə göbələkləri, bişmiş şabalıdları, 2-3 diş sarımsağı, bir yemək qaşığı quru kəklikotu, duz və istiotu qarışdırırıq. Çəkilmiş ətə bənzəyən bir qarışım alınır.

Quru bir tavada suyu tam çəkilənə qədər qızardırıq. Soyuduruq. Ət otaq temperaturundadır, hələ ki gözləyir. Yağını, üzərindəki qabığı təmizləyirik. Elə kəsirik ki, eyni ölçüdə dilim alınsın. Yuduq, qurutduq. Dərin tavanı yüksək atəşə qoyuruq.

Əti iri duzla hərtərəfli duzlayırıq, biraz zeytun yağı ilə yağlayırıq və isti quru tavada 1-2 dəqiqə qızardırıq. Biraz tüstü çıxacaq, ancaq səbr edin - belə olduqda ət pörtləməyəcək və şirəsini salmayacaq. Biz əksinə bütün bu şirəni möhürləyirik. Hər tərəfi möhürlədik: əti ocaqdan götürürük, xardallayırıq, isti ikən istiotlayıb, dincəlməyə qoyuruq.

Beef Wellington resepti


Təmiz bir yerdə qida kağızını səririk, zeytun yağı ilə yağlayırıq. Proşuttonu, üzərinə göbələkli-şabalıdlı qarışımı tökürük. Əti qoyuruq və kağızın köməyilə baton konfet kimi bükürük. Batonun qulaqlarını elə bururuq ki, ruletimiz sərt və eyni möhkəmlikdə olsun. Növbəti axşamadək soyuducuda saxlayırıq.

Qonaqların gəlməsinə bir saat qala əti soyuducudan çıxardırıq, donu açılmış xəmirə bükürük, xəmirin uclarını çimdiklə bağlayırıq və bağladığımız yer alta düşəcək şəkildə bişirmə kağızına qoyuruq. Üzərinə yumurta sarısı çəkirik, iri duz səpirik - 40 dəqiqəlik 220˚С qızdırılmış sobaya qoyuruq. Qızarana qədər bişiririk. Çıxardırıq, 5-10 dəqiqə soyuduruq və dilimlərə ayırırıq.

Bu mal ətinin yanına qarnir olaraq mən bişmiş tərəvəzlər verdim - qara və narıncı kök, şirin kartof, qırmızı soğan, sarımsaq - tərəvəzləri yuyuruq, doğrayırıq (sarımsaqdan başqa), duzlayıb, istiotlayırıq, zeytun yağı əlavə edib - 1 saatlıq sobaya yerləşdiririk.

Nuş olsun!

Etiketlər: qoyuruq, bişmiş, sobaya, zeytun, qədər, 220˚С, doğrayırıq, şabalıdları, yağlayırıq, dəqiqə, bükürük, ancaq, göbələkləri, tavada, dəqiqəlik, yuyuruq, qızardırıq, dilim, Hazır, axşamadək
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Linkin əlavə edilməsiQorunmuş linkin əlavə edilməsi Rəng seçimi | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoyler
BİZİ İZLƏYİN