• Uçuş tortu resepti

Reseptin məlumatları Baxış sayı: 23320

Tarix : 23.08.2014, 05:00

Bölmə : Şirniyyatlar » Tort reseptləri

Mətbəx : Yoxdu

Hazırlanma vaxtı : Yox

Nəfər sayı : Yox


Tərkibi:
130 q araxis (qoz, fındıq, badam da olar)
170 q yumurta ağı
1 yumurtanın sarısı
125 ml süd
215 q kərə yağı
510 q şəkər tozu
1 x.q. konyak
0,5 ç.q. kakao
14 q vanilli şəkər

Hazırlanması:
Araxisi 180 dərəcə qızdırılmış sobada 15 dəqiqə qovurun, təmizləyib doğrayın.

Yumurtanın ağını (təxminən 5 yumurtanın ağı) möhkəm çalın. 7 q vanilli, 320 q adi şəkər tozu əlavə edin. Daha 7-8 dəqiqə, lap qatılaşınca çalın. 1 dolu xörək qaşığı bu qarışıqdan götürüb konditer şprisinə doldurun. Qalan kütləyə xırdalanmış araxisi əlavə edin. Bu qarışıqdan da 1 dolu qaşıq götürüb kənara qoyun.

Perqamentin üzərində 20 sm diametrli iki dairə çəkin. Araxisli qarışığı bu dairələrin içinə yayın.

Perqamentin boş hissələrinə isə konditer şprisindən bəzək üçün fiqurlar sıxın.

Kənara qoyduğunuz araxisli-yumurta ağılı qarışıqdan da boş yerlərə xırda hissələrlə yerləşdirin - bişirən zaman bu xırda hissələri sındıraraq onların bişib-bişmədiyini öyrənə bilərsiniz. Sonra isə bunlardan tortun qıraqlarına səpmək üçün ovxantı düzəldə bilərsiniz.

Korjları 100 dərəcə qızdırılmış sobada 2 saat bişirin. Soyudun.

Krem üçün: 1 yumurtanın sarısını süd, 190 q şəkər tozu ilə qarışdırın. Zəif ocağın üstə qoyub daim qarışdırın. Qaynara düşəndən sonra daha 2-3 dəqiqə, qatılaşanacan bişirin. Otaq temperaturunadək soyudun.

Kərə yağını yerdə qalan vanilli şəkərlə möhkəm çalın. Çalmağı dayandırmadan az-az südlü-yumurtalı qarışığı, sonra isə 1 ç.q. konyak əlavə edin. Kremdən 1 x.q. götürüb kakao ilə qarışdırın, kənara qoyun.

Kremin yarısını korjların arasına, qalanını isə üstünə və qıraqlarına çəkin, bəzək üçün də saxlayın. Araxisli bezeləri xırdalayıb tortun qıraqlarına səpin. Şokoladlı və ağ kremlə, həmçinin beze fiqurlarla bəzəyin.

Soyuducuda 1 saat saxlayın.

Nuş olsun!


Etiketlər: şəkər, dəqiqə, vanilli, əlavə, qarışdırın, götürüb, qarışıqdan, çalın, qıraqlarına, yumurtanın, bilərsiniz, sonra, konditer, konyak, xırda, bəzək, kənara, çəkin, Araxisli, Perqamentin
Hörmətli Qonaq, siz sayta qeydiyyatsız istifadəçi kimi daxil olmusunuz.
Saytda şərh yazmaq, xəbər göndərmək və eləcə də digər hüquqlardan istifadə edə bilmək üçün QEYDİYYATDAN keçməyinizi məsləhət görürük.
  • İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
BİZİ İZLƏYİN