Tərkibi:
1 kq qoyun qabırğası
400 q soğan
8 pomidor
2-3 bolqar bibəri
1 diş sarımsaq
50 q ərinmiş yağ
duz
istiot
sarıkök
göy soğan, keşniş, reyhan, nanə, şüyüd

Hazırlanması:
Qabırğanın pərdəsini və üstündəki artıq piyi kəsib götürün. Hər qabırğanın üstündə bir qədər ət olmalıdır, onu bıçağın enli tərəfi ilə azca əzin. Duzlayıb-istiotlayın, üstünə ərinmiş kərə yağı tökün. 10-15 dəqiqə saxlayıb hər iki üzünü yaxşı qızdırılmış tavada qızardın. Qızılı rəng alanda tavadan çıxarıb bir qaba yığın.
Əti qovurduğunuz tavaya ərinmiş yağ töküb vam odda iri doğranmış soğanları şəffaf olanadək qovurun, sarıkök, göyərti əlavə edin, soğanın üstünə çıxana qədər qaynar su tökün.
Qabırğaları soğanın üstünə düzün, üstünə xırda pomidorları, sarımsağı - hamısı diri, doğranmamış və bolqar bibərini doğrayıb qoyun. Tavanın qapağını örtüb vam odda bişirin. Bunu saxsı qabda hazırlayaraq, ağzına folqa çəkib 180 dərəcə qızdırılmış sobada da 20-30 dəqiqə bişirə bilərsiniz.

Nuş olsun!

---

Etiketlər: üstünə, ərinmiş, sarıkök, dəqiqə, soğanın, qızdırılmış, tökün, qoyun, soğan, qədər, bolqar, qaynar, Qabırğaları, xırda, düzün, pomidorları, əlavə, şəffaf, soğanları, doğranmış